(Казан, 17 апрель, “Татар-информ”). Самара өлкәсе Камышлы районының татар халык театры «Татарча өйләнү» спектаклен сәхнәләштергән. Комедияне 19 апрельдә Әнвәр Давыдов исемендәге Камышлы район мәдәният йортында карарга мөмкин булачак. Бу хакта “Самара татарлары” сайты хәбәр итә.

«Татарча өйләнү» – Ркаил Зәйдулла тарафыннан иҗат ителгән ике пәрдәлек комедия. Аны беренчеләрдән булып Оренбург Татар драма театры сәхнәгә куйды. Бу әсәр «Яңа татар пьесасы – 2008» ярышында өченче урынны алды. Ул Рауль Мирхәйдәровның «Игълан аша танышу» хикәясенә нигезләнеп язылган.