Яңалыклар бүлеге

Премьера

Ренат Әюпов Оренбург дәүләт театрында “Мәхәббәт, футбол һәм мафия” спектаклен куя
27 сентябрь 2018, 20:31 , Фото: Рамиль Гали, Лилия Гаделшина
Ренат Әюпов Оренбург дәүләт театрында
Спектакль танылган прозаик, шагыйрь, драматург һәм публицист Ркаил Зәйдулла әсәре буенча сәхнәләштерелә.
Оренбургның Татар дәүләт драма театры Әстерханга гастрольләргә җыена
Яңа Татар бистәсе зиратында Габдулла Кариев каберен зыярәт кылдылар
Яңа мюзикл Кариев театрының визиткасына әверелергә тиеш – Ренат Әюпов
Ренат Әюпов: “Яңа бинада әле спектакльләр уйный алмыйбыз”
Ренат Әюпов яшьләр өчен иң яхшы спектакль режиссеры булып танылды
(Казан, 27 сентябрь, “Татар-информ”). 12 октябрьдә М.Фәйзи исемендәге Оренбург Татар дәүләт драма театры “Мәхәббәт, футбол һәм мафия” спектакленең премьерасы булачак. Бу хакта театрның матбугат хезмәте хәбәр итә.

Спектакльнең режиссеры – Татарстан Республикасының атказанган сәнгать эшлеклесе, Россиянең атказанган артисты Ренат Әюпов.

“Мәхәббәт, футбол һәм мафия”нең репетицияләре 1 июльдә башланган. Ул танылган прозаик, шагыйрь, драматург һәм публицист Ркаил Зәйдулла әсәре буенча сәхнәгә куела.

Комедиядә театрның барлык труппасы да катнаша, диелә хәбәрдә.

Премьера

Буа театры Ркаил Зәйдулланың “Мишәр хикәяләре”н сәхнәләштерде
21 сентябрь 2018, 10:00
“Абага” спектакле “Кече шәһәр театрлары” проекты кысаларында куелды.
Раил Садриев: Буада үткәрелгән театраль проектларның максаты – татар авылын саклап калу
Буа һәм Чаллы театрлары «Коляда-Plays – 2018» театр фестивалендә катнашырга мөмкин
“Идел-Буа-Урал” театр фестивалендә Ульяновск өлкәсенең өч театры катнаша
М.Гафури исемендәге башкорт драмтеатры “Идел-Буа-Урал” фестивалендә моноспектакль күрсәтте
Фестиваль кунакларын бик сыйладык, кадерләдек – Буа театры директоры Раил Садриев
(Казан, 21 сентябрь, «Татар-информ», Рузилә Мөхәммәтова). Буа театры журналистларга һәм театр белгечләренә Ркаил Зәйдулла хикәяләре буенча куелган “Абага” спектакленең ябык премьерасын тәкъдим итте. Спектакльнең беренче тамашачылары арасында “Татар-информ” хәбәрчесе дә бар иде.

Спектакль Ркаил Зәйдулланың биш хикәясен “Мишәр хикәяләре” исеме астында берләштергән. Әсәрне театрга чакырылган режиссер Егор Чернышов куйган. Рәссам – Илшат Вилданов.
Спектакль авторның “Мылтык” хикәясе белән башлана. Алга таба “Әрмән Сөембикәсе”, “Абага чәчәге”, “Алла” хикәяләре белән дәвам итә дә, “Йорт иясе” хикәясе белән тәмамлана.

Ркаил Зәйдулла хикәяләре буенча эскиз Буа театры җәй көне куя торган театраль лаборатория өчен әзерләнгән иде. Театр җитәкчелеге аны спектакль итеп үстерергә карар иткән.

“Абага” спектакле “Кече шәһәр театрлары” проекты кысаларында куелды.

Премьераны Тукай премиясе лауреаты Ркаил Зәйдулла үзе дә карады. Ул театр җитәкчелегенә, артистларга һәм режиссер Егор Чернышовка рәхмәтләрен җиткерде, үзенең шәп әсәрләрен язган булуын да искәртеп узды.

Әлеге спектакль белән театр фестивальләргә катнашырга ниятли. Аның беренчесе Камал театры инициативасы белән үткәрелүче “Һөнәр” яшь режиссура фестивале булачак.

Мәкалә

Төрлелектән дошман әвәләмик

«Бөтен кеше дә бер аяктан атласа, күпер җимерелеп төшәчәк», дигән акыллы сүз бар. Моның мисалларын да ерактан эзлисе түгел. Үзенең бердәнбер фикерендә катып калган, хаклыгына артыгы белән ышанган, ачык­тан-ачык фикер алышуларны кабул итә алмаган, үз арасындагы үзгә фикерлеләрне юләрләр йортына япкан, шул «бердәмлеге» белән куәтле һәм бөек саналган «туган» КПССыбыз бездә әле яши димәк..

Алга Мәкалә

Истәлек

Равил Сабыр: «Мөдәрриснең бар ялганы чыгар әле бер дөрескә!»

«Хатыныгызга күбрәк саф һавада йөрергә кирәк, паркларга ешрак барыгыз, катнаш урман һавасы тагын да әйбәтрәк булыр иде аңа», – диде табиб. Ул чакта хәләл җефетем беренче улыбыз Рәзим белән авырлы иде, токсикоз белән бик нык интекте. «Катнаш урман» дигәнне ишетүгә, мин шундук Аккош күлен искә төшердем. Ркаил Зәйдулла, Равил абый Фәйзуллиннарның анда дачалары бар иде.
Алга Истәлек

Бикшик халык театры

В Ульяновске продолжается театральный фестиваль


В Ульяновске межрегиональный фестиваль татарских народных и самодеятельных театральных коллективов имени Бари Тарханова продолжает свое театральное шествие. На сцене Центра татарской культуры выступили участники Бикшикского народного театра Батыревского района Чувашской Республики со спектаклем «Жениться по-татарски» по пьесе драматурга Ркаила Зайдуллы. Спектакль прошел при полном аншлаге.



Алга Бикшик халык театры

Тантана

Кто они, “потаповцы” Мензелинска?

Поздравляем артистов Мензелинского государственного татарского драматического театра, ставших со спетаклем “Дьявол” победителями в номинации “Спектакль-событие года”, являющейся высшей точкой самой престижной театральной премии “Тантана”!

Алга Тантана

Пермь крае Октябрьски районында шушы төбәктәге татар авылларының “Үсеш ноктасы” дип аталган икътисад форумы булды. 12 районнан вәкилләр килгән иде. Безнең төркем Ишем авылындагы көнкүреш белән танышты. 29 февраль, 2018 ел.

Түбән Кама театры

Түбән Кама театры Чыңгыз Айтматовның әнисенә багышланган спектакль тәкъдим итәчәк

Булачак спектакльнең пьесасын Тукай премиясе лауреаты Ркаил Зәйдулла язган.

(Казан, 15 март, «Татар-информ», Рузилә Мөхәммәтова). Түбән Кама театры киләсе сезонда Чыңгыз Айтматовның әнисенә багышлап язылган пьесаны сәхнәләштерергә җыена. Бу хакта “Татар-информ” хәбәрчесенә театрның баш режиссеры Рөстәм Галиев хәбәр итте.

Булачак спектакльнең пьесасын Тукай премиясе лауреаты Ркаил Зәйдулла язган. Әлеге “Нәгыймә” пьесасы “Яңа татар пьесасы” конкурсында Татарстан мәдәният министрлыгының махсус премиясенә ия булган иде. Автор драматургия әсәрен Чыңгыз Айтматовның туган якларында булып кайтканнан соң язган.

Спектакль “Кече шәһәр театрлары” федераль проекты кысаларында куела. Проект буенча Туфан Миңнуллин исемендәге Татар дәүләт драма театрына 6 млн 700 мең сум акча биреләчәк.

Искәртеп үтәбез, быел 12 декабрьдә күренекле язучы Чыңгыз Айтматовка 90 яшь тула. Чыңгыз Айтматовның әнисе татар булу белән язучы татар халкына аеруча кадерле.