Rkail Zaydulla исемле автор

Истәлек

Ркаил, кызлар һәм бәрәңге

Шагыйрь Ркаил Зәйдулла университет тулай торагына студентлар янына еш килә иде. Шулай да туп-туры безгә керми иде ул (тугызынчы катта, 195 нче бүлмәдә яшибез ич!), менеп җит­кәнче әле бер бүлмәгә, әле икен­чесенә кагылып чыга. Тулай торакта кызлар да күп яши… Кайчакта безгә менеп тә җитми, аның кил­гәнен икенче көнне генә ишетеп беләбез. Шуңа күрә төгәл әйтә алмыйм, әллә ул без кыздырган бәрәңгене тансык­лап килә, әллә кызлар янына, әл­лә болай гына… яшьлеген сагынып.

Ркаил буйдаклык чорын шактый озакка сузды. Яшьлегеннән бик авыр аерылды ул. Бер килүендә Ркаилне танымый тордык. Өстенә футболка, шортик кигән. Ул заманда кеше көпә-көндез шортик киеп йөрми иде әле. Анысы бер хәл: шагыйрь чәчен кырдырып алдырган, җи­рән­су сакалы күкрәгенә төшеп тора. Иңенә зурая-кечерәя торган, сөт төсендәге чит ил сумкасы аскан. Күптән түгел генә Польшадан кайткан икән. Аңарчы Кавказда булган. Йөзе кызыл, һәм бу кызыллык Кавказ кояшында кызынганнан гына түгел…

Җәйге каникул. Тулай торак буп-буш. Белмим, без анда сабакташым, бүлмәдәшем Рөстәм Җи­һан­гәрәев (күптән инде гүр иясе, урыны оҗмахта булсын!) белән нишләп ятканбыздыр. Ә Ркаилнең кызлар белән сөйләшеп утырасы килә. Чит илдән алган тәэсирләре белән уртаклашмакчыдыр инде. Без тулай торакта Ркаил белән сөйләшеп утырырлык кыз эзлибез. Тырышсаң, сукыр күздән яшь чыга дигәндәй, берничә абитуриент кыз таптык. Үзләреннән сөт исе килеп торса да, яңа гына авылдан килгән сабыйлар димәс­сең…
– Шагыйрь абыегызның сезне күрәсе килә, – дигәч, безгә ияр­деләр тагын. Ләкин коридорда “үт­рически” кыяфәт белән тәмәке тартып торган Ркаил Зәйдулланы күргәч, чәрелдәп, үз бүлмәләренә йөгерделәр һәм ишекләрен бик­ләп тә куйдылар. Алар күз алдына китергән шагыйрьгә бер дә охшамаган иде шул Ркаил.

Бер кереп бикләнгәч, иртәнгә кадәр күренмәделәр. Татфакка укырга керергә дип Буа районыннан килгән чеп-чи мишәр кызы Фирдәүсә икенче көнне кичен:
– Батман! (Бу сүзнең нинди мәгънә аңлатканын әле дә әйтә алмыйм, белсә, мишәрләр генә белә­дер, мөгаен.) Сумкасы белән шортигы подцвет, молочный. Шул төстәге бәбәкләрен миңа төбәгән… Ничек курыкканымны белсәгез иде…
Алар Әстерхан өлкәсеннән килгән Гөлфия исемле кыз белән бер бүлмәдә яшәде. Гөлфия, уни­верситетның татфагын уңышлы тәмамлап, туган ягына кайтып китте. Һәрвакытта кызыксынучан Гөл­фиянең, әлбәттә, Ркаил белән бик тә сөйләшәсе килгән. Үзе генә калырга яхшысынмаганга, ул да ничарадан бичара бүлмәдәш кызы белән бер булып кереп бикләнгән!
Нәүмизләнеп калган шагыйрь өенә кайтып китте. Бүтән ул тулай торакта күренмәде…
Фәнил Нигъмәтҗан

(“Ватаным Татарстан”, /№ 166, 11.10.2013/)

премьера

СӘХНӘ
Йолдыз тапкан кыз
Миләүшә ГАЛИУЛЛИНА, 27 декабрь 2018 – 15:59
33
0
0

«Әкият» театрында куелган һәр татар спектакленә шатланабыз. Бу юлы сөенеч икеләтә зур, чөнки баш режиссер Илдус Зиннуров 80 еллыгы уңаеннан шагыйрь, язучы Фәнис Яруллинның «Йолдыз тапкан кыз» әкиятен сәхнәләштерде. Инсценировканы шагыйрь Ркаил Зәйдулла иҗат итте.

Фәнис Яруллинның балалар өчен язылган әсәрләре дә искиткеч бай, матур телле. Һәр сурәтләгән күренеше күз алдына җанлы булып килеп баса. Һәр әкияткә, хикәягә тирән мәгънә салынган. Язучының хыял байлыгына сокланмый мөмкин түгел. Адәм балалары кырын эшләр кылган саен, кояшның йөзе каралуы турындагы гыйб­рәтле әкиятне күпләребез бүген дә хәтерли торгандыр. Сабан туенда җиңүе белән мактанган, әмма газиз анасын бүреләрдән коткарырга курыккан колын турындагы «Юылмас хурлык» шигъри әсәрен дә онытырлык түгел. «Зәңгәр күлдә Ай коена» әкиятендәге тел матурлыгына, авторның образлы тасвирлауларына укыган саен сокланып туймаслык. Фәнис ага, әйтерсең лә әкият түгел, картина иҗат иткән. Айның һәр төн күлдә коенып чистарынганнан соң, болыттан ишеп ясалган басмаларына сак кына басып күккә күтәрелгәнен үз күзләрең белән күргәндәй буласың. Айның күлдән җыйган төнбоек чәчәкләрен әле бер якка, әле икенче якка ыргытып уйнавы, чәчәкләрнең күкнең түшәменә кадалып йолдыз булып яна башлавы да бик җанлы булып күз алдына килеп баса. Сукыр тычканның җил койрыгына басуы, шул сәбәпле җилнең уянуы, койрыгы авыртуына түзә алмыйча үрле-кырлы сикерүе, аннары авырткан җиренә уф-уф итеп өрә башлавы, күлдәге дулкыннарның уянып, күл читендәге бака ефәкләрен йолкый-йолкый күл эченә китерүе, айның шул бака ефәгенә уралуын Фәнис ага шундый тәфсилләп тасвирлаган ки, рәссамга эш тә калмаган кебек. Шуңа күрә «Әкият» театры Ф.Яруллинның гаҗәеп образлы, лирик әкиятләрен элек тә бик яратып сәхнәгә куйды һәм, әдипнең рухын искә алып, кабат әсәрләренә әйләнеп кайтуы тикмәгә генә түгел.

«Йолдыз тапкан кыз» әсәре дә гыйбрәтле, ләкин «Зәңгәр күлдә Ай коена» әкиятеннән аермалы буларак, аны сәхнәләштерер өчен инсценировка авторына да, рәссамга да, режиссерга да байтак тырышлык куярга туры килгән. Мәсәлән, тылсымлы йолдыз тапканнан соң, Таңсылуның масаюын, нәфесе котыруын балаларга ничек күрсәтергә? Бу максатта әсәргә кешеләрнең нәфесләре котырган саен үсә-зурая барган һәм бер көнне коточкыч кыяфәт алган аждаһа образы килеп кергән. Тылсымлы йолдыз­ның ярдәмен өмет итеп Таңсылу янына җыелган авыл кешеләрен спектакльдә урман җәнлекләре алмаштырган. Беренче бүлектә сырхау әбисе өчен урманга җиләк эзләп киткәч, кызга җәнлекләр ярдәм итә. Алар да – драматургның хыял дөньясыннан театр сәхнәсенә күчкән персонажлар. Фәнис аганың әкиятеннән аермалы буларак, спектакльдә ахырда Таңсылу әбисе белән кавыша.

Музыканы профессиональ композитор Мәсгудә Шәмсетдинова иҗат иткәне әллә каян сизелә. Ул бер иш тамашалардагы шикелле фон өчен генә яңгырамый, авыл күренешендә – тыныч, лирик, ягымлы, Аждаһа белән Таңсылуның хәлиткеч каршылыгы тасвирланган сәхнәдә исә куе драматизм белән сугарылган булып, вакыйгаларны да, геройларны да тәгаенли төшә, тамашаны баета.

Мөхтәрәм рәссамнар Валентина һәм Александр Губскийлар лаеклы ялга киткәч, театрыбыз җитәкчелеге күңелләренә хуш килгән курчак остасы таба алмыйча озак эзләнде, чөнки рәссамнар күп булса да, курчак театры өчен керпе, куяннарның һәр каш, һәр керфек бертеген йөрәкләре вә куллары аша үткәреп иҗат итүче осталарны табуы кыен. Курчак театрында рәссам режиссерга тиң дияргә була. «Йолдыз тапкан кыз» спектаклендә курчакларны Санкт-Петербургтан Татьяна Мельникова иҗат иткән. Тиен, керпе, төлке туганнар бик мөлаем килеп чыккан.

«Йолдыз тапкан кыз» спектакле ике актер өчен аеруча истәлекле булгандыр, мөгаен. Рузилә Нуриева театрда шактый вакыт иҗат итеп, матур рольләре белән сөендереп өлгерсә дә, зур роль – Таңсылуны беренче тапкыр уйнады. Нияз Садыйков Казан театр училищесында режиссер Ренат Әюпов курсын тәмамлап, «Әкият»нең татар труппасына әле яңа гына килеп кушылган, һәм «Йолдыз тапкан кыз» тамашасындагы керпе – аның тәүге роле. Сәхнәдәге санаулы минутлар эчендә егет керпенең холкын тасвирлауга иреште. Рузилә дә, Нияз да сөендерде. Курчак театры артистының бөтен осталыгы да кыска вакыт эчендә тере булмаган нәрсәләргә җан өрә белүдә чагыла. Бу спектакльдә шулай ук, сәхнәгә чыгып кына керсә дә, Миләүшә Фәйзрахманова башкаруындагы төлке күңелдә урын алып калды.

Спектакльдә кытыршылыклар да бар, ләкин «Әкият» театрының унбер бөртек татар артисты белән һәр очрашу – зур сөенеч, сәхнәдән яңгыраган һәр татар сүзе күңелгә газиз.

Миләүшә ГАЛИУЛЛИНА.

Премьера!

Махаббат, футбол и мафия
МАХАББАТ, ФУТБОЛ И МАФИЯ

сатирическая комедия

Главный герой комедии Ильгизар, человек с университетским образованием, вынужден работать охранником, к тому же его обобрали аферисты, обещавшие ему собственную квартиру. В довершение этих бед его бросает жена. Несчастный, погрязший в долгах Ильгизар встречает своего однокашника Хайдара – советника главы города N и фаната футбола… И тут – то у Ильгизара появляется выход из сложившейся ситуации – принять предложение однокашника и «стать футболистом – финном», приехавшим поднимать престиж городской футбольной команды. Первый же гол, случайно забитый Ильгизаром, и решит его дальнейшую судьбу, да и не только его…

Премьера 12 октября 2018 г.

Спектакль обеспечивается синхронным переводом на русский язык.

Премьера

Вторник, 27 февраля 2018 20:55
Новый спектакль Бикшикского народного театра
Новый спектакль Бикшикского народного театра
В минувший субботний вечер в зрительном зале Бикшикского Дома культуры публика с нетерпением ожидала начало новой постановки. Спектакль Бикшикского народного театра, поставленный по ироничной пьесе Ркаилы Зайдуллы ставится на сцене впервые, поэтому вызывает ажиотаж среди театралов.

— Любим очень выступление народного театра Стараемся ходить с супругом часто в театр, поскольку здесь все очень необычно, начиная с интерьера и заканчивая какими-то режиссерскими решениями. Никогда нельзя предугадать, как именно будет «подан» спектакль, — рассказала зрительница, приехавшая специально из г.Ульяновск Фарида Незиповна.

Сюжет спектакля актуален. «Война да женитьба такое дело – нужно идти смело», — заявляют со сцены актеры. Действительно, поиск верного спутника жизни сильно похож на военные действия, ведь сначала «цель» нужно найти и обнаружить, составить стратегию, а затем, минуя все опасные ситуации, — захватить. На какие выдумки и ухищрения может пойти очередная невеста (Талия Земдиханова), которая не желает сдаваться и решает выйти замуж за простого, спокойного вдовца (Рашит Салахутдинов). Невинная ложь, интрига, лесть, – главные инструменты другой невесты (Зульфия Вахитова). Однако, другой жених-казах, Жолдас (Вагиз Багаутдинов) настроен решительно и вступает в роль жениха, предложив «невестам» роль второй жены. Классический сюжет, юмор, тонкая сатира и блестяще сыгранные персонажи, уместные шутки, каждый жест и интонация голоса, проработанные до мельчайших деталей – главные достоинства спектакля. Хочется выделить игру Фрадии Чинкиной, сыгравшей роль романтичной личности, пустившейся в мир в поисках личного счастья. Примечателен и комичен образ старушки, попавшей в действие как бы случайно (Люзия Чебенова).

Узнать, кого же выбрал из невест вдовец можно было в конце пьесы. Это простая деревенская почтальонша (Алсина Земдиханова). Зрители были в восторге от постановки, высказаны многочисленные слова благодарности режиссеру народного театра Салаховой Дании за мгновенья радости и смеха, подаренные народным театром в праздничный день.

Прочитано 82 раз
Опубликовано в Батырево
Наверх

Яндекс.Метрика

“Идел” журналыннан, №4, 2018

Ркаил Зәйдулла: Сәхнә җене
Рубрика: Яңалыклар

«Идел» журналының апрель санында шагыйрь Ркаил Зәйдулланың сәхнә белән, театр сәнгате белән бәйле шәхесләргә багышланган шигырьләре басылып чыккан иде. Аларны сайт укучыларыбызга да тәкъдим итәсебез килә.

Бозваткыч

Марсель Сәлимҗан истәлегенә

Яз сулышын ачып яр өстенә,

Үтеп китте яннан бозваткыч.

Кемгә куанычтыр, кемгә – сагыш…

Үтте инде…

Калдык озатып.

Арчылды су. Калкындылар эздә

Такта кисәкләре; чүп-чар да

Кул чукларын селкеп кинәнде бер –

Канат алган сыман очарга.

Офыкларда бозлар гөрелтесе.

Таныш аваз… Елак кыш иде:

Бозваткычның корыч янбашына

Минем борт та килеп ышкылды.

Көләч чаткылары күктә хәзер,

Сүнгән көле ява чәчемә.

Кораб җаны китә!

Коткарыгыз…

Китә сандугачлар яшендә.

Бозлар гөрелтесе…

Безнең язмыш

Шушы тамашага бәрабәр:

Галиябану мәңге сыктар монда.

Фәрештәне капшар Әлмәндәр.

Ташу көтте күпме кеше ярда –

Үтеп китте яннан бозваткыч.

Һәм буталды елның фасыллары:

Бетмәс-төкәнмәс яз…

Озак кыш…

Пәрдә

Шамил Закир истәлегенә

Карыйсың кайчак тирәңә –

Уенмы, чынбарлыкмы?

Кемнәр генә укый ала

Тәкъдир сузган ярлыкны?

Кайчак өскә чөеләсең,

Китәсең түбән төшеп.

Һәм бер көн рампалар сүнә.

Чынлап ябыла ишек.

Бер мизгелгә эзең кала

Сәхнәнең тузанында.

Дус күргәнгә шул да җитә

Йөрәге сызланырга.

Кайсы болыннарның исен

Китердең, җил, бу кичне?

Ул сине ишетмәс инде –

Ут сүнде, пәрдә төште.

Сәер уен

Ренат Таҗетдинга

Ул сәхнәгә яшәргә дип килде.

Тормыш сыман сәер уен бу, –

Гасырлардан клгән татар гаме

Йөрәгенә аның сыенды.

Ул хан булды монда, тәхет тотты.

Һәм кол булып ятты тупсага.

Тик йөрәге аягүрә калды

Өметләрне упкын упса да.

Ул сәхнәдә ат уйнатты безгә,

Хыялдагы гаярь аргамак

Түшәмнәрне алып күккә ашты,

Очты йолдызларны аралап.

Ул үзенең күңел нуры белән

Тоташтырды ерак елларны.

Елый-елый көлде тамашачы,

Көлә-көлә аннан елады.

Ул яшәде, ә без уйнаганбыз

Төшенмичә уен серенә.

Баш иде ул, бөкре мәхдүм сыман

Ил сагышын салып иңенә.

Ул сәхнәгә яшәргә дип килде,

Һәм яшьнәгән кебек яшәде.

Яшәячәк! – югалганчы тәмам

Җирдә соңгы татар җәсәде.

Мөсафир

Әзһәр Шакирга

Яланаяк чыгып киткән өйдән, –

Йолдызларга кадәр юл озын.

Өметен ул бишмәт итеп кигән,

Әлегәчә тоя җылысын.

Мең елларга бу сузылган юлны

Соры биштәренә сыйдырып,

Тыкырыкка туктаган ул – олы! –

Татарга тиң тыйнак тыкырык.

Чигәсендә юлның ак тузаны,

Керфегендә төннәр сөреме.

Читтән генә күзәтәбез аны:

Бер дәрвишме? Ханмы? Бүреме?

Кузгалабыз бер мизгелгә язын,

Тартылабыз аңа ерактан, –

Безгә калдырасы һәр авазын

Чык тамчысы таңның чылаткан.

Яланаяк чыгып килә илдән –

Йолдызларга кадәр юл озын.

Иңнәренә язмыш галәм өйгән,

Һәм сагышның салган олысын.

Азат дәүләт

Хәлим Җәләйгә

Сәхнә тар ул – безнең күңел кадәр.

Киң дә була кайчак – ил хәтле…

Күккә тоташа ул – Хәлим Җәләй

Укыганда ярсып Зөлфәтне.

Көтү-көтү кошлар күтәрелә,

Түтәлендә сына сабаклар.

Кабаланып юллар юлга менә,

Безнең үткәннәрне кабатлап.

Хәлим Җәләй сөйли. Тавышында

Әллә өмет… әллә… белмим ни…

Офыктагы актык йолдыз кебек

Күккә ашкан кулы дерелди.

Галәм сагышына күчә аваз,

Кузгата да кичке тузанын,

Сиздермичә сыза аңыбызга

Яшәү белән үлем ызанын.

Әйтерсең бу – борынгы бер камлау,

Әйтерсең бу – серле бер әфсен:

Учларына салып суза безгә

Азат дәүләт – татар сәхнәсен.

Сүз остасы

Илдус Әхмәтҗанга

Кара кәчтүм-чалбардан,

Чем кара кәләпүше…

Кыяфәт йончу – арган,

Ә болай – якты кеше.

Күбәләге муенда

Ахры кара ефәктән,

Очаргамы җыена…

Кем очарга өйрәткән?

Кара түфли аякта,

Биеп китәр шикелле

Еракка – иркен якка!

Тик китүе икеле.

Күкрәк читлеген ачып

Сүз!

Сүз!

Сүз!

Уйный яшен.

Елый бер тешсез карчык,

Тыялмыйча күз яшен.

Сүз… сүз… сүз… Тагын кемнең

Ул соң үзәген өзгән?

Карчыкның нәберәсе

Кычкырып көлә бездән.

Кара күчтүм-чалбардан.

Кып-кызыл яна колак.

Тавыш ташлана ярдан! –

Барыбер исән кала…

Юк, үлмибез. Үлмәдек!

Яшибез әле чак-чак.

Ак җилкәндәй күлмәге…

Һәм йөзе, әлбәттә, ак.

Сүз! Сүз!

Түз, йөрәгем, түз –

Тауга менде тавышы,

Анда – карлы түбәдә

Тәңре белән кавышты.

Мәртәбә

Дания Нурлыга

Бу дөньяда урын алу кыен.

Дөнья – сәхнә. Ә без уенда.

Кем сыена аулак бер почмакка.

Ә кем алкышларга коена.

Һәркемгә дә үз уены лаек,

Өлешеңә тигән урының.

Кайда басса, шунда ут уйната.

Бу – яшәве Дания Нурлының.

Онытыла уен – ялган комар.

Бөтен җиһан шунда яктыра.

«Тәңре биргән зур мәртәбә», – диеп

Язган Тукай, бәлки хактыр да.

Йөрәгенә төйнәп үз кайгысын,

Сискәндереп соң кат халыкны,

Язмышына баш бирмәгән хатын –

Ул Мөхлисә булып калыкты.

Намазына баскан – ак намазлык…

Сагынмалык ак шәл ябынган.

Ана булып бүген кул изи ул,

Әйтерсең лә безгә юл эзли ул

Мәңгелекнең якты ягыннан.

Йолдыз тузаны

Фәридә Сафинага

Яшьлек узды, әмм сөенечләр

Беркайчан да читләп узмады:

Шатлык яше кунган керфекләрдә

Җемелдәде сәхнә тузаны.

Онытыла кайчак чынбарлык та.

Мин дә кайчак уйныйм ләбаса!

Гүя канат үсә иңбашларга,

Җил-давыллар әгәр янаса.

Син көлгәндә – дөнья көләчләнә,

Син моңайсаң – үзәк өзелә.

Син менгәндә могҗизалы сәхнә

Күтәрелә өскә үзе дә.

Мәйсәрәнең гүзәллеге белән

Биләп алдың минем күңелне,

Шул сурәтең күзем карасыннан

Яшем белән бергә түгелер…

Мәңге узмый торган яшьлек бит ул!

Аерса да гомер ызаны,

Сагыш яше кунган керфекләрдә

Җем-җем итә йолдыз тузаны.

Хәтер

Камал театры репертуардан төшкән «Үлеп яратты» спектакленең видеоверсиясен күрсәтте
29 сентябрь 2018, 16:24 , Фото: Рамиль Гали
Камал театры репертуардан төшкән «Үлеп яратты» спектакленең видеоверсиясен күрсәтте
«Үлеп яратты» – яңа менеджмент шартларында эшли башлаган татар театрының тамашачыга игълан итеп, әсәр белән хушлашу оештырылган беренче спектакле.
Камал театры легендар спектакльләренең видеоязмаларын күрсәтүне дәвам итәчәк
Камал театры легендар спектакльләре видеоларын күрсәтүне киләсе сезонда дәвам итәчәк
Рамил Төхвәтуллин: «Зәңгәр шәл» спектакле – татарның мәдәни коды
Камал театрында “Ахырзаман” турында сөйләштеләр
«Яңа татар пьесасы-2016» конкурсында катнашучы пьесалар мәгълүм булды – исемлек
(Казан, 29 сентябрь, «Татар-информ», Рузилә Мөхәммәтова). Камал театрының Кече залында Ркаил Зәйдулланың «Үлеп яратты» спектакленең видеоверсиясен караган тамашачы Мөхлисә Бубыйның ни өчен сорау алганда яулыктан булмавыннан алып, җәдидчелек белән кадимчелек мәдрәсәләрен дә кертеп, татар теленең киләчәгенә кадәр күп төрле проблемаларны күтәрде.

Камал театрының Кече сәхнәсендә театраль тамашачылар өчен оештырылган «Камал мәктәбе» яңа сезонын режиссер һәм драматург Илгиз Зәйниевның беренче җитди режиссерлык эше булган спектакль белән ачып җибәрде. Бу – әлеге проектта Илгиз Зәйниевның беренче эше.

«Үлеп яратты» спектакле 2011 елда сәхнәләштерелеп, биш ел барган спектакль. Ул тарихи шәхес – беренче татар мөгаллимнәренең берсе булган һәм мөселман дөньясында беренче хатын-кыз казый Мөхлисә Бубыйга багышланган. Гомерен татар халкын мәгърифәтле итүгә багышлаган хатын-кыз гомеренең соңгы көннәрен НКВД төрмәләрендә җәзаланып үткәрә. Спектакльдә ул халкына һәм диненә хыянәт итмәгән, кансыз тикшерүчеләрне дә кызгана алган горур шәхес итеп сурәтләнә.

«Үлеп яратты» – яңа менеджмент шартларында эшли башлаган татар театрының тамашачыга игълан ителеп, әсәр белән хушлашу оештырылган беренче спектакле. Театрның спектакльләрне репертуардан төшерүе тамашачы кимүгә бәйле. Татар зыялылары спектакльне яңадан репертуарга кайтаруны да күтәреп чыгарга тырышты, ләкин бу таләпләр киң яңгыраш алмады.

Спектакльнең видеоверсиясен карарга Камал театрының Кече залын тутырып тамашачы килгән иде. Тамашачының шактый өлеше ислам дине кануннары буенча яшәүчеләр булуы күзгә ташланды. Алар ике сәгать барган тамашаны тын да алмый карадылар. Соңыннан спектакльдә катнашкан актерлар – Дания Нуруллина, Миләүшә Шәйхетдинова, Илдус Габдрахманов, Эмиль Талипов, режиссер Илгиз Зәйниев белән очрашу оештырылды. «Камал мәктәбе» проектының беренче дәресенең махсус кунагы дин белгече Рөстәм Батров иде.

Мөхлисә Бубый образын тудырган Дания Нуруллина бу спектакльне иң кыен чагында – кызын югалткан вакытта чыгаруларын әйтте. “Мин уйный алмам, дип тә килеп караган идем, әмма мине уйнау өчен үземдә көч табырга үгетләделәр. Мин эшләп чыга алдым. Режиссерга һәм партнерларыма рәхмәт”, – диде ул. Мөхлисә Бубыйның карап үстергән кызын уйнаучы Миләүшә Шәйхетдинова үзенә иң театраль роль эләгүен һәм аны уйнарга бик җиңел булуын әйтте.

Тикшерүчеләрне уйнаган Илдус Габдрахманов белән Эмиль Талипов үз образларының халәтен аңлатырга тырыштылар. “Ул үзен начар дип санамый. Ул бит тырыша. Ул үз эшенең дөреслегенә ышана. Андый кешеләр хәзер дә бар. Тарих кабатлана”, – диде Мөхлисә Бубый тарафыннан каргалган бердәнбер кешене – тикшерүче Дәүләтовны уйнаган Илдус Габдрахманов.

Тикшерүче Корбанов ролен башкарган Эмиль Талипов үз героеның прототибы булуын сөйләде. “Бәлки, алар инде үз эшләренең хаклылыгына ышанмагандыр да. Алар инде бәлки сизенә дә башлаган булганнар. Алар үзләрен саклау турында уйлаганнар”, – диде ул героен тасвирлап.

Режиссер Илгиз Зәйниев тарихның театр өчен чимал булуын искәртеп, спектакльне тарихи итеп кабул итмәскә кирәген ассызыклады. Спектакльне яңартып, сирәк кенә булса да күрсәтү тәкъдимнәренә җавап итеп: “Бу спектакль юк, аны яңарту мөмкин түгел, яңартылса да, ул бу спектакль булмаячак. Шуңа күрә хәзер без аны шушы видеоверсиядә генә карый алабыз”, – дип кырт кисте ул.

Тамашачыны борчыган тагын бер тема – Мөхлисә Бубыйның яулыксыз булуы. Илгиз Зәйниев моны аны төрмәгә өендә йөргәндә яулыксыз алып китүләренә бәйләп аңлатса, Рөстәм Батров татар җәмәгатьчелегенең бик плюралистик булуын, бездә башына яулык бәйләүчеләр белән башына яулык бәйләмәүчеләрнең дә бертигез кабул ителүен һәм моның дөрес чишелеш булуын әйтте.

Оештыручылар “Камал мәктәбе” проекты айга бер мәртәбә булачагын вәгъдә итәләр. 26 октябрьдә Муса Җәлилнең тууына 75 ел тулуга багышлап, Камал театрында куелган “Моңлы бер җыр” спектакленең видеоверсиясе тәкъдим ителәчәк.

“Камал мәктәбе” проекты 2018 елда ачылды. Узган сезонда 4 ай эчендә 8 дәрес үткәрелде, әлеге дәресләрдә меңнән артык тамашачы һәм экспертлар катнашты.

Премьера

Ренат Әюпов Оренбург дәүләт театрында “Мәхәббәт, футбол һәм мафия” спектаклен куя
27 сентябрь 2018, 20:31 , Фото: Рамиль Гали, Лилия Гаделшина
Ренат Әюпов Оренбург дәүләт театрында
Спектакль танылган прозаик, шагыйрь, драматург һәм публицист Ркаил Зәйдулла әсәре буенча сәхнәләштерелә.
Оренбургның Татар дәүләт драма театры Әстерханга гастрольләргә җыена
Яңа Татар бистәсе зиратында Габдулла Кариев каберен зыярәт кылдылар
Яңа мюзикл Кариев театрының визиткасына әверелергә тиеш – Ренат Әюпов
Ренат Әюпов: “Яңа бинада әле спектакльләр уйный алмыйбыз”
Ренат Әюпов яшьләр өчен иң яхшы спектакль режиссеры булып танылды
(Казан, 27 сентябрь, “Татар-информ”). 12 октябрьдә М.Фәйзи исемендәге Оренбург Татар дәүләт драма театры “Мәхәббәт, футбол һәм мафия” спектакленең премьерасы булачак. Бу хакта театрның матбугат хезмәте хәбәр итә.

Спектакльнең режиссеры – Татарстан Республикасының атказанган сәнгать эшлеклесе, Россиянең атказанган артисты Ренат Әюпов.

“Мәхәббәт, футбол һәм мафия”нең репетицияләре 1 июльдә башланган. Ул танылган прозаик, шагыйрь, драматург һәм публицист Ркаил Зәйдулла әсәре буенча сәхнәгә куела.

Комедиядә театрның барлык труппасы да катнаша, диелә хәбәрдә.

Премьера

Буа театры Ркаил Зәйдулланың “Мишәр хикәяләре”н сәхнәләштерде
21 сентябрь 2018, 10:00
“Абага” спектакле “Кече шәһәр театрлары” проекты кысаларында куелды.
Раил Садриев: Буада үткәрелгән театраль проектларның максаты – татар авылын саклап калу
Буа һәм Чаллы театрлары «Коляда-Plays – 2018» театр фестивалендә катнашырга мөмкин
“Идел-Буа-Урал” театр фестивалендә Ульяновск өлкәсенең өч театры катнаша
М.Гафури исемендәге башкорт драмтеатры “Идел-Буа-Урал” фестивалендә моноспектакль күрсәтте
Фестиваль кунакларын бик сыйладык, кадерләдек – Буа театры директоры Раил Садриев
(Казан, 21 сентябрь, «Татар-информ», Рузилә Мөхәммәтова). Буа театры журналистларга һәм театр белгечләренә Ркаил Зәйдулла хикәяләре буенча куелган “Абага” спектакленең ябык премьерасын тәкъдим итте. Спектакльнең беренче тамашачылары арасында “Татар-информ” хәбәрчесе дә бар иде.

Спектакль Ркаил Зәйдулланың биш хикәясен “Мишәр хикәяләре” исеме астында берләштергән. Әсәрне театрга чакырылган режиссер Егор Чернышов куйган. Рәссам – Илшат Вилданов.
Спектакль авторның “Мылтык” хикәясе белән башлана. Алга таба “Әрмән Сөембикәсе”, “Абага чәчәге”, “Алла” хикәяләре белән дәвам итә дә, “Йорт иясе” хикәясе белән тәмамлана.

Ркаил Зәйдулла хикәяләре буенча эскиз Буа театры җәй көне куя торган театраль лаборатория өчен әзерләнгән иде. Театр җитәкчелеге аны спектакль итеп үстерергә карар иткән.

“Абага” спектакле “Кече шәһәр театрлары” проекты кысаларында куелды.

Премьераны Тукай премиясе лауреаты Ркаил Зәйдулла үзе дә карады. Ул театр җитәкчелегенә, артистларга һәм режиссер Егор Чернышовка рәхмәтләрен җиткерде, үзенең шәп әсәрләрен язган булуын да искәртеп узды.

Әлеге спектакль белән театр фестивальләргә катнашырга ниятли. Аның беренчесе Камал театры инициативасы белән үткәрелүче “Һөнәр” яшь режиссура фестивале булачак.